“İran Azərbaycan üzərindən prosesləri yayındırmağa çalışır” – Rəy
“Birinci qarabağ müharibəsindən sonra İran davamlı olaraq Ermənistana həmişə dəstək verir. Azərbaycan bunu bilirdi, lakin İranla münasibətləri maksimum dərəcədə normal saxlamağa çalışırdı”
Bu sözləri “Qərb Xəbər”ə açıqlamasında siyasi analitik Asif Nərimamlı deyib:
“Biz bilirdik ki İran şirkətləri işğal altında olan Azərbaycan torpaqlarında fəaliyyət göstərir. İran iş adamları orada ticarət dövriyyəsində və narkotik plantasiyalarının salınmasında iştirak edirdilər. Bütün bunları Azərbaycan tərəfi bilirdi. Azərbaycan güc balansını qorumaq üçün bütün qonşuları ilə münasibətlərini normal saxlamağa çalışırdı. 2020-ci il Qarabağ müharibəsi regionda situasiyanı dəyişdirdi. Müharibədən sonra regondakı siyasi vəziyyət, şərtlər və güc balansı dəyişdi.
Müharibədən sonra İran Ermənistanı daha açıq dəstəkləməyə və Azərbaycana qarşı aqressiv siyasət yürütməyə başladı. Açıq şəkildə Ermənistanın yanında olduqlarını bildirdilər”.
Asif Nərimamlının fikirinə görə İranın belə siyasət aparmağının səbəbi geosiyasi vəziyyətlə bağlıdır:
“İranın siyasi rejimi başa düşür ki, baş verən geosiyasi proseslərdə əsas zərbələrdən biri də İrana dəyə bilər. İran Azərbaycanı hədəfyayındırıcı ölkə kimi seçib. İran Azərbaycan üzərindən prosesləri yayındırmağa çalışır. İran əsas düşmənini İsrail hesab edir. Lakin, onlarla bacara bilmirlər, Türkiyə ilə bacara bilmirlər. Azərbaycanı isə zəif bənd kimi görürlər. Cənubi Qafqazda gedən proseslərdən sonra İran Azərbaycanı təhlükə kimi görməyə başladı”.
“İran 44 günlük vətən müharibədən sonra Azərbaycan sərhədlərində iki dəfə hərbi təlimlər keçirib. Bu birbaşa Azərbaycana qarşı olan təhdiddir. Sonuncu təlimlərdə Araz üzərindən körpü asmaq senarisi işlədilər. Bu da Azərbaycana müdaxilə etmək mesajı verirdi. Bundan başqa Azərbaycana sionizim üzərindən Azərbaycanı vurmağa çalışırdılar. Rəsmi Bakı da bütün bunlara qarşı adekvat cavab vermək zərurəti gördü” – deyə siyasi analitik vurğulayıb.
Aysel Civişova
