Gürcüstan parlamentində üç deputatın mandatı ləğv olundu
Bu gün, Gürcüstan parlamentinin üçüncü çağırış sesiyasında parlamentin üç müxalif üzvünün mandatı ləğv olunub.
“Qərb xəbər” 24News.ge xəbər portalına istinadən xəbər verir ki, bu barədə qanunverici orqanın bugünkü plenar iclasında qərar verilib. Səsvermənin nəticələrinə əsasən, “Leyboristlər” Partiyasının sədri Şalva Natelaşvili, “Droa” Partiyasının lideri Elene Xoştariya və “Lelo” Partiyasının lideri Badri Caparidzenin deputat səlahiyyətləri vaxtından əvvəl dayandırılıb.
Xatırladaq ki, E.Xoştariya və Ş.Natelaşvili seçkilərin saxtalaşdırdıldığını əsas gətirərək parlamentə daxil olmaqdan imtina etdikləri üçün mandatları ləğv olunub. B.Caparidze isə TBC Bankın digər təsisçisi Mamuka Xazaradze ilə birgə dələduzluq faktı üzrə təqsirli bilinir və bu səbəbdən onun işi məhkəmədə davam edəcək.
Qeyd edək ki, “Leyboristlər” partiyasının sədri, Şalva Natelaşvili Keçikçidağ məsələsində Gürcü və Azərbaycan xalqları arasında konflikt yaratmağa çalışan, bu ölkədə yaşayan müsəlman əhalinin ibadət yerlərini təhqir etdirməyi təşkil edən “patriotlar alyansının” lideridir.
Bu gün paylaşılan digər xəbərlər
Bu gün heç bir yeni xəbər yayımlanmadı