Gürcüstan hərbi PUA istehsalına başlayır

2023-cü ilin yayından başlayaraq Gürcüstan hər il 1000-dən 1500-ə qədər kəşfiyyat və döyüş PUA-ları istehsal edəcək.

Bunu ölkənin müdafiə naziri Cuanşer Burçuladze deyib.

Nazir qeyd edib ki, ilk kəşfiyyat və döyüş PUA-ları artıq Baş nazir İrakli Qaribaşvilinin iştirakı ilə istehsal edilib və sınaqdan keçirilib.

Qeyd edək ki, dronlar Tiflis yaxınlığında Gürcüstan-Polşa birgə müəssisəsində istehsal olunur. Zavodun tikintisi ötən ilin dekabrında başa çatıb. Müəssisənin sahibi 2022-ci ildə Gürcüstanın “Delta” şirkəti və Polşanın “WB Electronics S.A” şirkəti tərəfindən təsis edilmiş “Delta-WB” şirkətidir.

“Birgə müəssisə çox uğurlu layihədir. Biz 2020-ci ildə Polşa tərəfi ilə işə başlamışıq”, – Burçuladze bildirib.

O qeyd edib ki, layihə çərçivəsində hərbi personalın kəşfiyyat və döyüş PUA-larını idarə etməsini mənimsəmək məqsədilə təlim mərkəzi yaradılır. Mərkəzin işinə polşalı mütəxəssislər də dəvət olunacaqlar.

Nazirin sözlərinə görə, birgə müəssisədə “Warmate” kamikadze və “Flyeye” kəşfiyyat PUA-larının istehsalı planlaşdırılır.

Mənbə: kommersant.ru