Ermənilər Qazaxıstana vizasız gedə biləcək

Qazaxıstan parlamentinin aşağı palatası Ermənistanla vətəndaşların qarşılıqlı səfərləri və ölkədə qalma qaydası haqqında sazişi ratifikasiya edib.

Qerbxeber.com xəbər verir ki, 2024-cü ilin aprelində İrəvanda imzalanan sənədin əsas bəndi 90 gün müddətinə vizasız rejimin tətbiqi ilə bağlıdır.

Hər iki ölkənin vətəndaşları etibarlı sənədlər əsasında qarşı tərəfin ərazisində üç ayadək viza almadan qala biləcəklər.

Qazaxıstan daxili işlər naziri Yerjan Sadenov bildirib ki, saziş həm də ölkədə 30 gün qaldıqdan sonra Daxili İşlər Nazirliyində məcburi qeydiyyatdan keçməyi nəzərdə tutur. Onun sözlərinə görə, bu tədbir miqrasiyaya nəzarətin effektivliyini artıracaq.

İlin əvvəlindən Qazaxıstana 12 minə yaxın Ermənistan vətəndaşı daxil olub.