CHP-nin İstanbul ofisinə silahlı hücum olub
Türkiyədə Cümhuriyyət Xalq Partiyasının (CHP) İstanbul ofisinə silahlı hücum təşkil edilib.
Bu barədə məlumatı ofisin rəhbəri Canan Kaftancıoğlu öz tviter hesabında bildirib.
Onun sözlərinə görə, silahlı hücum Türkiyə vaxtı ilə 05:00 radələrində olub. Binaya 6-7 dəfə atəş açılıb.
Faktla bağlı araşdırma aparılır.
Xatırladaq ki, bir neçə gün öncə İstanbul şəhərində “İYİ Partiya”nın binasına silahlı hücum olmuşdu.
