Çaylı kəndində qatarla yük maşını toqquşdu-xəsarət alanlar var

Qazaxda yük maşını qatarla toqquşub.

Mayın 22-də saat 17:00 radələrində rayonun Çaylı kəndində yol-nəqliyyat hadisəsi baş verib.

Hadisədə xəsarət alan 3 nəfər (kişi cinsli) Qazax Rayon Mərkəzi Xəstəxanasına hospitalizasiya olunub.

Bu barədə Qerbxeber.com-a TƏBİB-dən bildirilib.

“Hər birinə ilkin zəruri tibbi xidmət göstərilib. Müxtəlif dərəcəli bədən xəsarətləri alan şəxslərin müalicəsi xəstəxananın Cərrahiyyə və Təcili tibbi yardım şöbələrində davam etdirilir. Xəsarət alanlardan 1 nəfərin vəziyyəti ağır, 1 nəfərin vəziyyəti orta ağır ,1 nəfərin isə vəziyyəti stabil qiymətləndirilir”, məlumatda deyilir.

Hadisə yerinə müvafiq qurumların əməkdaşları cəlb olunub.

Faktla bağlı araşdırma aparılır.