Böyük Britaniya Baş naziri Kir Starmer Rusiyanın Ukraynaya qarşı son kütləvi hava zərbələrini pisləyib.

Qerbxeber.com xəbər verir ki, o, bu barədə X sosial şəbəkəsində yazıb.

“Mənim fikrim Rusiyanın Kiyevə vəhşicəsinə zərbələri nəticəsində əziyyət çəkənlərin hamısı ilədir. Putin uşaqları və mülki insanları öldürür və sülhə olan ümidləri sabotaj edir”, – baş nazir bildirib.

Starmer bu qan tökülməsinə son qoyulmalı olduğunu vurğulayıb.

Xatırladaq ki, Rusiyanın Kiyevə kütləvi hava zərbələri nəticəsində ölənlərin sayı 4-ü uşaq olmaqla 15-ə çatıb. Zərbə dalğası Avropa İttifaqının Ukraynadakı nümayəndəliyinin binasına və Britaniya Şurasının (British Council) Ukraynadakı ofisinə ciddi ziyan vurub.