Bölgələrdə kommunal xidmətlərlə təchizata dair xəritələrin hazırlanması təklif olunur

Azərbaycanın bölgələrində elektrik enerjisi, su, istilik və digər kommunal xidmətlərlə təchizata dair xəritələr hazırlanmalıdır.

“Qərb Xəbər” “Report”a istinadən xəbər verir ki, bunu Milli Məclisin bu gün keçirilən plenar iclasında Deputat Qənirə Paşayeva bildirib.

“Rayonlarda icra hakimiyyətləri torpaq sahəsi ayırır, tikintiyə icazə verir. İşlər başa çatandan sonra kommunal xidmətlərlə təchizat problemə çevrilir. Kommunal qurumlar insanlara deyirlər ki, 700 metr, 1 km məsafədən sizə işıq, su verə bilmərik. Bu məsələ əvvəlcədən həll olunmalıdır”, – deyə o qeyd edib.