Bloomberg: ABŞ Krımı Rusiya ərazisi kimi tanımağa hazırdır
Amerika hakimiyyəti Moskva və Kiyev arasında imzalanmış sülh sazişi çərçivəsində Krımı Rusiya ərazisi kimi tanımağa hazırdır.
Qerbxeber.com xəbər verir ki, bu barədə “Bloomberg” mənbələrə istinadən məlumat yayıb.
Nəşr qeyd edib ki, bu addım ABŞ prezidenti Donald Trampın atəşkəsə nail olmaq və Ukraynadakı münaqişəni həll etmək istəyini nümayiş etdirir.
Qeyd edək ki, 2014-cü ilin əvvəlində Ukrayna bölgələri olan Krım Muxtar Respublikası və Sevastopol şəhəri Rusiya tərəfindən ilhaq edilib.
