Bir neçə qurumlar Gürcüstanda çevriliş etməyə hazırlanırlar-Tiflis meri

Bir neçə ölkə və təşkilat Gürcüstanda dövlət çevrilişi həyata keçirməyə çalışır.

Qerbxeber.com xəbər verir ki, bu sözləri hakim “Gürcü Arzusu – Demokratik Gürcüstan” partiyasının baş katibi, Tiflis meri Kaxa Kaladze deyib.

Siyasətçinin sözlərinə görə, son illər respublika ərazisində belə cəhdlər bir neçə dəfə olub:

“Bu ölkələr, konkret təşkilatlar, qlobal müharibə partiyasını, “dərin dövləti” təmsil edən insanlar təbii ki, sakitləşə bilməz və sakitləməyəcək də. Onlar ölkədə iğtişaşlar, dövlət çevrilişi təşkil etmək istəyirlər”.