Azərbaycanlı hakim Avropa çempionatına təyinat alıb
Azərbaycanın beynəlxalq dərəcəli hakimi Rəhim Həsənov UEFA-dan təyinat alıb.
O, 21 yaşadək futbolçulardan ibarət komandalar arasında Avropa çempionatının seçmə mərhələsinin 4-cü qrupunda keçiriləcək San Marino – Litva oyununu idarə edəcək.
Həsənova yan xətt hakimləri Namiq Hüseynov və Mübariz Haşımov köməklik göstərəcək. Dördüncü hakim funksiyasını Orxan Məmmədov yerinə yetirəcək.
Qeyd edək ki, Serravalle stadionundakı görüş iyunun 5-də təşkil olunacaq.
