Azərbaycan qazı bu gündən Suriyaya ixrac olunacaq

Bu gündən Türkiyənin Kilis şəhərindən Azərbaycan qazının Suriyaya ixracı başlayır.

Məlumata görə, istifadəyə verilən boru xətti ilə gündəlik 3.4 milyon kubmetr qaz ötürüləcək.

Azərbaycan qazı Hələbdəki istilik elektrik stansiyasında elektrik enerjisinə çevriləcək. Stansiyanın 1200 meqavat enerji istehsal etməsi nəzərdə tutulur. Bu isə təxminən 5 milyon suriyalı ailənin ehtiyacını ödəmək üçün kifayətdir.

Enerji ekspertləri bildirirlər ki, bu addım Suriya müharibədən zərər çəkmiş enerji infrastrukturunun sabitləşməsinə və daha genişmiqyaslı bərpa proseslərinin başlamasına töhfə verə bilər.

Qeyd edək ki, Azərbaycan bu günə kimi 12 ölkəyə qaz ixrac edir. Ölkəmiz üçün yeni coğrafiya formalaşır – Suriya həm özü Azərbaycan qazını idxal edə bilər, həmçinin tranzit ölkə rolunu oynaya bilər.