Azərbaycan Ordusunun giziri qayadan yıxılaraq həlak olub

Azərbaycan Ordusunun hərbi qulluqçusu gizir Hüseynov Şahin Şəmisəddin oğlu məzuniyyətdə olarkən bədbəxt hadisə nəticəsində (qayadan yıxılaraq) həlak olub.

Bu barədə Müdafiə Nazirliyi məlumat yayıb.

Hadisə ilə bağlı araşdırma aparılır.

Müdafiə Nazirliyinin rəhbərliyi hərbi qulluqçunun ailəsinə və yaxınlarına dərin hüznlə başsağlığı verib.

Ş.Hüseynovun qohumu olduğunu bildirən jurnalist Cavanşir Abbaslı “Feysbuk” sosial şəbəkəsində yazıb ki, mərhum 15 ilə yaxındır gizir rütbəsi daşıyırmış: “Əziz həmkarlar, dostlar, bu gün həlak olan hərbçi dayım oğludur. Gədəbəy rayonu, Qızılağac kəndindədir. 35 yaşı var idi. 15 ilə yaxın idi ki, Azərbaycan Ordusunda qulluq edirdi. Gizir rütbəsi daşıyırdı. Subay idi. 44 günlük Vətən Müharibəsində iştirak etmişdi, Kəlbəcər istiqamətində noyabrın 7-də yaralanmışdı”.