ARDNF-in builki büdcəsinə dəyişiklik edilib

Prezident İlham Əliyev “Dövlət Neft Fondunun (ARDNF) 2023-cü il büdcəsi haqqında” 30 dekabr 2022-ci il tarixli fərmanında dəyişiklik edib.

“Qərb Xəbər” xəbər verir ki, dövlət başçısı bununla bağlı yeni fərman imzalayıb.

Fərmana əsasən, ARDNF-in büdcə gəlirləri ilə bağlı proqnoz 8 990,9 milyon manatdan 16 337,5 milyon manata, büdcə xərcləri ilə bağlı proqnoz isə 11 392,3 milyon manatdan 11 850 milyon manata çatdırılıb.

Son nəticədə Fondun büdcəsində gözlənilən 2 401,4 milyon manat kəsir 4 487,5 milyon manat qalıqla əvəz edilib.

Bu il ARDNF-dən dövlət büdcəsinə nəzərdə tutulan transfertin məbləği isə 11 280 milyon manatdan 11 737,7 milyon manata çatdırılıb.