ABŞ-dan Çinə sərt xəbərdarlıq
Rusiyanın Ukraynadakı “xüsusi hərbi əməliyyat”ına Çinin maddi dəstəyi Vaşinqton və Pekin arasında münasibətləri əsaslı şəkildə dəyişə bilər.
Bunu ABŞ-ın dövlət katibinin Avropa və Avrasiya məsələləri üzrə köməkçisi Karen Donfrid bildirib.
ABŞ dövlət katibi Entoni Blinkenin Almaniya, Türkiyə və Yunanıstana səfəri ilə bağlı brifinqdə danışan Donfrid “Çin və Rusiyanın sərhədsiz tərəfdaşlıq elan etdiyini” xatırladıb.
Xatırladaq ki, 2022-ci il dekabrın sonunda Dövlət Departamenti ABŞ administrasiyasının Rusiya ilə Çin arasında əlaqələrin inkişafından narahat olduğunu bildirmişdi. Amerika dövlət katibliyi əməkdaşının o zaman vurğuladığı kimi, Vaşinqton Pekinin Moskvaya hərbi yardım göstərilməsi və sanksiyalardan yayınmada sistemli yardımın mümkünlüyü baxımından hərəkətlərini diqqətlə izləyir. ABŞ rəsmiləri artıq bildiriblər ki, onlar Pekinin bu cür addımları halında Çin hakimiyyətinə tədbir görməyə hazır olduqları barədə xəbərdarlıq ediblər.
