Azərbaycanda boşanmaların xəritəsi: Qərb bölgəsində hansı rayon öndədir-STATİSTİKA

2025-ci ildə Azərbaycanın iqtisadi rayonları və inzibati ərazi vahidləri üzrə boşanmaların sayı məlum olub.

Bu barədə Dövlət Statistika Komitəsindən məlumat verilib.

Belə ki, Bakı şəhərində ötən il ümumilikdə 6 307 boşanma faktı qeydə alınıb. Boşanma sayının ən çox olduğu rayon isə Xətai olub.

Bölgələr üzrə boşanma göstəricilərində ən yüksək rəqəm Qarabağ iqtisadi rayonunda, ən az rəqəm isə Dağlıq Şirvan iqtisadi rayonunda qeydə alınıb – müvafiq olaraq 1 590 və 577 boşanma.

Ən az boşanma Xankəndi şəhərində qeydə alınıb – cəmi 12 boşanma.

Bəs, Qərb bölgəsində vəziyyət necədir? Qərbxeber.com bölgəyə daxil olan iqtisadi rayonlar üzrə statistikanı  araşdırıb.Bölgənin ən böyük şəhəri olan Gəncədə boşanmaların sayı 793,Şəmkir rayonunda 369, Tovuz rayonu üzrə isə 329 fakt qeydə alınıb.

Rayonlar üzrə statistikanı təqdim edirik:

Gəncə-Daşkəsən iqtisadi rayonu üzrə (1 374):

Gəncə şəhəri – 793;

Naftalan şəhəri – 26;

Daşkəsən rayonu – 84;

Goranboy rayonu – 183;

Göygöl rayonu – 157;

Samux rayonu – 131.

Qazax-Tovuz iqtisadi rayonu üzrə (1 228):

Ağstafa rayonu – 198;

Gədəbəy rayonu – 148;

Qazax rayonu – 184;

Şəmkir rayonu – 369;

Tovuz rayonu – 329.