İtaliya müdafiə naziri: Bu müharibə ABŞ-nin qlobal liderliyini təhlükə altına qoyur

“Ukrayna və İran münaqişələri göstərir ki, müharibənin müddətini təyin edən zəif tərəfin göstərdiyi müqavimətin gücüdür. Bu, əvvəllər Əfqanıstanda da baş vermişdi”, – o vurğulayıb.

Krozettonun fikrincə, İrandakı müharibə ABŞ-nin qlobal liderliyini təhlükə altına qoyur və Yaxın Şərqdə vəziyyətin pisləşməsinə səbəb ola bilər:

“Prezident Tramp payızda keçiriləcək aralıq seçkilərini də nəzərə alaraq, mümkün qədər tez qələbə qazanmaq niyyəti ilə hərəkət edir. Amma bu müharibə ABŞ-nin qlobal liderliyini təhlükə altına qoyur”.

İtaliya müdafiə naziri əlavə edib ki, heç kim ABŞ Prezidenti Donald Trampa qarşı çıxmır və onun daha cəsarətli köməkçilərə sahib olması faydalı olardı:

“Sadəcə o, qorxur ki, onsuz da dramatik vəziyyət daha da pisləşə bilər. Çünki bəşəriyyət göstərdi ki, dəlilik üçün heç bir hədd yoxdur. Məhz bizim kimi insanlar müharibəni bitirmək üçün Xirosima və Naqasakiyə nüvə bombası atılmasına icazə verdilər. Biz hələ də nüvə silahına malikik, malik olmayanlar da sahib olmağa çalışırlar. Hələ də heç nə öyrənməmişik”.