Bu gün Məhəmməd Əmin Rəsulzadənin anım günüdür

Bu gün Azərbaycan  Cumhüriyyətinin banisi,əsas ideoloqu, ilk Dövlət başçısı Məhəmməd Əmin Rəsulzadənin doğum günüdür.

Qerbxeber.com bildirir ki,Məhəmməd Əmin Rəsulzadə 31 yanvar 1884-cü ildə Bakının Novxanı kəndində  anadan olub.

Çox gənc yaşlarından Azərbaycan davasına qatılıb, çox tezliklə bu hərəkatın əsas ideoloquna və liderinə çevrilib.

İlk mübarizə illərində sosial demokratlarla birgə “Hümmət” təşkilatının yaranmasında iştirak edib. Çarizmin təqiblərinə məruz qalaraq 1909-cu ildə İrana mühacirət edən Rəsulzadə bir müddət burada “İrane-nou” qəzetinin baş redaktoru kimi çalışıb, məşrutə inqilabı yatırıldıqdan sonra Türkiyəyə mühacirət edib.

O, 1911-ci ildə Müsavat Partiyasına üzv qəbul edilib, 4 il sonra Müsavat Partiyası Mərkəzi Komitəsinin sədri seçilib. 1918-ci ildə Fətəli Xan Xoyski və digərləri ilə birlikdə Şərqdə ilk respublikanın yaradılmasını rəsmi şəkildə elan edib. 1920-ci il aprelin 28-də bolşevik işğalından sonra həbs edilib. Az sonra Stalinin göstərişi ilə həbsdən azad edilərək Moskvaya aparılıb. Stalinin təkidlərinə baxmayaraq, o, Sovet hakimiyyəti ilə əməkdaşlıqdan imtina edərək xaricə üz tutub.

Məhəmməd Əmin Rəsulzadə 1955-ci il martın 6-da 71 yaşında Ankarada vəfat edib və  Cəbəci Əsri məzarlığında dəfn edilib.