Belçika Ukrayna üçün 100 milyon avro ayırdı

Belçika hökuməti Ukraynaya dəstək çərçivəsində ABŞ-dən silah alınması üçün 100 milyon avro vəsait ayırıb.

Qerbxeber.com xəbər veir ki, bu barədə Belçikanın xarici işlər naziri Maksim Prevost Kopenhagendə keçirilən Avropa İttifaqı (Aİ) xarici işlər nazirlərinin qeyri-rəsmi görüşündə jurnalistlərə açıqlama verib.

Nazir bildirib ki, bu məbləğ Ukrayna Silahlı Qüvvələrinin ehtiyaclarına uyğun hərbi texnikanın alınmasına yönəldiləcək və ABŞ-dən birbaşa silah tədarükü proqramı vasitəsilə reallaşacaq.

Qeyd edək ki, Belçika bu qərarı Aİ daxilində Ukraynaya hərbi dəstəyin artırılması çağırışlarının fonunda qəbul edib.