Hakan Fidan: Türkiyə İsraillə bütün əlaqələrini kəsəcək

Türkiyə İsraillə bütün ticarət və iqtisadi əlaqələri kəsmək qərarına gəlib.

“Anadolu” agentliyi xəbər verir ki, bunu Türkiyənin xarici işlər naziri Hakan Fidan deyib. Onun sözlərinə görə, rəsmi Ankara limanlarını və hava məkanlarını İsrail üçün bağlayıb.

Türkiyəli diplomat qeyd edib ki, bu addımlar İsrailin Qəzza zolağındakı hərəkətlərinə, həmçinin Suriya, Yəmən və Livandakı zərbələrə cavabdır.

Türkiyə İsraillə bütün ticarət əlaqələrini dayandırıb, hava məkanını İsrail təyyarələri üçün bağlayıb və türk gəmilərinin İsrail limanlarına girməsinə icazə vermir.

Türkiyə limanlarından İsrail üçün silah və sursat daşıyan konteyner gəmilərinin də istifadəsinə qadağa qoyulub.