Surenyants: Paşinyan II Qaragini taxdan salacaq

“Ermənistan Baş naziri Nikol Paşinyan bütün ermənilərin katolikosu II Qaregini vəzifəsindən uzaqlaşdırmaq və bu məqsədinə çatmaq üçün səylərini gücləndirəcək”.

Qerbxeber.com Teleqraf xa istinadən xəbər verir ki, bunu erməni politoloq Suren Surenyants deyib.

Ekspert baş nazirin dünən keçirdiyi brifinqdə məsələ ilə əlaqədar səsləndirdiyi fikirlərdən sitat gətirib:

“Nikol Paşinyan açıq şəkildə bəyan edib: “Mənim kilsəyə yanaşmalarım dəyişməyib və dəyişə bilməz. Ktriç Nersisyan (II Qaregin) taxtdan getməlidir”.

Surenyants Paşinyanın qarşıdakı həftələrdə bu məqsədlə tərəfdarları ilə birlikdə Eçmiədzində kafedrala yürüş etməyi planlaşdırdığını bildirib:

“Paşinyan Vaqarşapatda (Eçmiədzin) mitinq planlaşdırdıqlarını da elan edib. Unutmayaq ki, noyabrın 16-da həmin şəhərdə Ağsaqqallar Şurasına növbədənkənar seçkilər təyin edilib. Bu, oktyabr-noyabr aylarında kilsə əleyhinə mübarizənin pik nöqtəsində inzibati resursları səfərbər etmək üçün seçki texnologiyası kimi də istifadə oluna biləcəyini düşünməyə əsas verir. Bu, əlbəttə, fərziyyədir, amma hakimiyyətin məlum təcrübələrinin məntiqinə tam uyğun gəlir”.