Netanyahu canlı yayımda qondarma “erməni soyqırımı”nı tanıdı

İsrailin Baş naziri Benyamin Netanyahu Osmanlı İmperiyası tərəfindən XX əsrin əvvəllərində törədildiyi iddia olunan qondarma “erməni soyqırımı”nı tanıdığını bəyan edib.

Qerbxeber.com bildirir ki,O, Patrik Bet-Davidin podkastında “Niyə İsrail “erməni soyqırımı”nı tanımır” sualına “məncə, tanıyıblar. Düşünürəm ki, Knesset bununla bağlı qətnamə qəbul edib” cavabını verib. Lakin indiyədək bununla bağlı heç bir qanun qəbul edilməyib. İsrailin heç bir Baş nazirinin “soyqırımı” tanımamasına dair sual verildikdə isə Netanyahu “Mən bunu indi etdim” deyib.

Türkiyə XİN-in məsələyə münasibəti gecikməyib. Qurum Netanyahunun qondarma soyqırımı bəyanatını rədd edib.

Netanyahunun saxta “erməni soyqırımı”nı tanıdığını deməsi diplomatik tərslikdən və qarşı tərəfi qıcıqlandırmaqdan başqa bir şey deyil. O, bir çox hallarda olduğu kimi, bu dəfə də siyasi məqsədlər üçün tarixi hadisəni manipulyasiya edib. Onun “bunu indi etdim” deməsi, əslində, dövlətin rəsmi qərarı yox, şəxsi bəyanatıdır. Bu bəyanat nə İsrail parlamenti (Knesset), nə də hökumət səviyyəsində qəbul edilən qərara əsaslanır. Lakin Netanyahunun baş nazir olması bu sözlərin beynəlxalq rezonans doğurmasına kifayət edir.