Şəmkirdə 24 nəfər dönərdən zəhərləndi

Avqustun 20-də saat 18:30 radələrindən başlayaraq zəhərlənmə şübhəsilə 24 nəfər (9-u kişi, 15-i qadın cinsli olmaqla) Şəmkir Rayon Mərkəzi Xəstəxanasının Təcili yardım şöbəsinə hospitalizasiya olunub.

Qerbxeber.com bildirir ki,bu barədə APA– TƏBİB-dən verilən məlumata əsasən xəbər yayıb.

Qeyd olunub ki, onlardan 14-ü azyaşlıdır: “Müraciət edənlərin hər birinə zəruri tibbi xidmət göstərilib. Vəziyyətləri qənaətbəxş qiymətləndirilən şəxslər ambulator müalicə üçün evə buraxılıb”.

Məlumata görə zəhərlənənlərin 5 nəfəri Tovuz rayonu Əyyublu kənd sakinləridir.