Rusiyada Heydər Əliyevin abidələrinin götürülməsinə çağırış edirlər
Rusiyanın Korrupsiyaya qarşı Mübarizə üzrə Milli Komitəsinin sədri, Prezident yanında Vətəndaş Cəmiyyəti və İnsan Haqları Şurasının üzvü Kirill Kabanov ölkədə Heydər Əliyevin abidələrinin götürülməsinə çağırıb.
Qerbxeber.com Bakupost.az -a istinadən xəbər verir ki, bu barədə o, Teleqram kanalında yazıb.
“Mənə elə gəlir ki, kimin Rusiyanın dostu, kimin düşməni olduğu artıq tam aydındır. Azərbaycan artıq Rusiya ilə “dostluq” oynamağa belə cəhd etmir. Hazırkı Azərbaycanın əsl dost və müttəfiqləri Türkiyə, ABŞ, Böyük Britaniya və Ukraynadır. Bu, əladır. İndi biz Ukraynadakı Azərbaycan neft məntəqələrinə hədəfli zərbələrin sayını artırmalı, onların Rusiyadakı mütəşəkkil cinayətkar diasporlarının bütün bizneslərini tamamilə bağlamalı və nəhayət, ölkəmizin ərazisində H.Əliyevin “biabırçı abidələrini” yığışdırmalıyıq”, – o bildirib.
Qeyd edək ki, onun bu sözləri Ukraynada Azərbaycan Dövlət Neft Şirkətinin məntəqəsinin məqsədli şəkildə vurulduğunu təsdiqləyir.
Bu gün paylaşılan digər xəbərlər
Bu gün heç bir yeni xəbər yayımlanmadı