ABŞ-ın bu addımı Putini təşvişə saldı-Bütün yollar Alyaskaya gedir

Rusiya Prezidenti Vladimir Putin amerikalı həmkarı Donald Trampla görüşə razılıq verib, çünki Amerika lideri ona təsir edə bilib”.

Bu sözləri ABŞ Senatının üzvü Lindsi Qrem deyib.

“Putinin Alyaskaya gəlməsinin səbəbi Prezident Trampın Ukraynaya kömək üçün Avropaya silah satışını elan etməsi və bunun Putini təşvişə salmasıdır”, – senator bildirib.

Qremin iddiasına görə, Ukraynada atəşkəs üçün Putini danışıqlar masası arxasına gətirə biləcək başqa bir şəxsi təsəvvür etmək çətindir.

Siyasətçi xatırladıb ki, ABŞ prezidenti bu yaxınlarda Rusiyadan neft alan Hindistana yeni tariflər tətbiq edib:

“Bu da Putini və bütün Kremli təşvişə salıb. O, Rusiyanın hərbi maşınına dəstək verən Rusiya neftinin ikinci ən böyük alıcısını vurdu. Buna görə də Putin Alyaskaya gəlir. Sülh güc yolu ilə əldə edilir”.

Qeyd edək ki, ABŞ və Rusiya liderləri arasında görüş avqustun 15-də Alyaskada keçiriləcək.