Erməni müxalifəti Vaşinqton sazişinə qarşı çıxdı
Ermənistanın Respublika Partiyası Vaşinqtonda imzalanan sənədlə bağlı bəyanat yayıb.
Bu barədə Bakupost.az erməni KİV-ə istinadən xəbər yayıb.
Bəyanatda qeyd edilir ki, imzalanan sənəd kapitulyasiya xarakteri daşıyır və Ermənistanın maraqlarını nəzərə almır.
Partiya iddia edib ki, memorandum Artsaxda “etnik təmizləmə”ləri legitimləşdirir, erməni əsirlərin azad edilməsini nəzərdə tutmur, ölkənin təhlükəsizliyinə zəmanət vermir və erməniləri geri qayıtmaq hüququndan məhrum edir. Xüsusi narazılığa səbəb isə ATƏT-in Minsk qrupunun faktiki olaraq buraxılmasına razılıq olub.
Bəyanatda vurğulanır ki, hazırkı hakimiyyətin birtərəfli güzəştlər kursu Ermənistanın suverenliyini və hərbi-siyasi tarazlığını sarsıdır, onun təhlükəsizliyini təhdid edir:
“Partiya bütün erməni əsirlərinin prioritet olaraq azad edilməsini, Azərbaycan qoşunlarının işğal olunmuş ərazilərdən qeyd-şərtsiz çıxarılmasını, ermənilərin geri qayıtmaq hüququnun təsbit edilməsini və beynəlxalq səviyyədə tanınmış təhlükəsizlik zəmanətlərinin əldə olunmasını tələb edir”.
Bu gün paylaşılan digər xəbərlər
Bu gün heç bir yeni xəbər yayımlanmadı