Orban Avropa liderlərinə məsləhət verdi: Səhvlərinizi düzəltmək şansınız var

Macarıstanın Baş naziri Viktor Orban bildirib ki, Avropa ölkələri Ukraynada sülhün bərpası fürsətini qaçırsalar da, ABŞ Prezidenti Donald Trampın Rusiya Prezidenti Vladimir Putinlə 15 avqustda Alyaskada keçiriləcək sammitində göstərdiyi sülh səylərini dəstəkləməklə səhvlərini düzəldə bilərlər.

Qerbxeber.com xəbər verir ki, Orban bu barədə “Facebook” hesabında yazıb.

“Müharibə, yoxsa sülh? Tramp sülh istəyir və gələn cümə günü Putinə ilə danışıqlar aparacaq. İndi Avropa liderlərinin də şansı var. Onlar sülhə nail olmaq fürsətini qaçırdılar, amma indi vəziyyəti düzəldə bilərlər. Onların etməli olduğu tək şey Prezident Trampı dəstəkləməkdir”, – hökümət başçısı vurğulayıb.