Roma Papası Azərbaycan və Ermənistan arasında razılaşmanı alqışlayıb

Roma Papası XIV Leo Vaşinqtonda Ermənistan və Azərbaycan arasında əldə olunan razılaşmanı alqışlayıb.

Qerbxeber.com APA- ya istinadən xəbər verir ki, bu barədə Vatican News məlumat yayıb.

Pontifik ümid edir ki, bu razılaşma Qafqazda sülhə töhfə verəcək.

“Mən Ermənistan və Azərbaycanı birgə sülh razılaşması imzaladıqlarına görə təbrik edirəm. Ümid edirəm ki, bu hadisə Cənubi Qafqazda möhkəm və uzunmüddətli sülhün bərqərar olmasına kömək edəcək”, – deyə Roma Papası Müqəddəs Pyotr meydanında ənənəvi bazar günü xütbəsini başa vurarkən bildirib.