Ruslar Odessada SOCAR-in neft bazasını vurdu
Rusiya Ukraynanın Odessa vilayətindəki SOCAR-a məxsus neft bazasına beş “Shahed” pilotsuz aparatı ilə zərbə endirib.
Qerbxeber.com xəbər verir ki, bu barədə “RBK Ukrayna” məlumat yayıb.
Mənbələrin məlumatına görə, hücum nəticəsində yanğın baş verib və dizel borusu zədələnib. SOCAR-ın dörd əməkdaşı ağır yaralanaraq xəstəxanaya yerləşdirilib. Yanğın qısa zamanda lokallaşdırılıb, təmir-bərpa işləri aparılır.
Ukrayna hüquq-mühafizə orqanlarının məlumatına görə, zərbələr məqsədli olub və hücumun hədəfi barədə şübhə yoxdur. Bu, son həftələrdə SOCAR-la bağlı obyektlərə ikinci zərbədir: daha əvvəl Orlovka yaxınlığında Azərbaycan qazının ötürülməsi nəzərdə tutulan qazpaylayıcı stansiya zədələnmişdi.
