Tramp: Rusiya ilə münasibətlərin gələcəyi Uitkoffun görüşlərinin nəticələrindən asılıdır

“ABŞ Rusiyaya və onun ticarət tərəfdaşlarına böyük rüsumlar tətbiq edib-etməyəcəyinə daha sonra qərar verəcək”.

Bu barədə Birləşmiş Ştatların Prezidenti Donald Tramp açıqlama verib.

O bildirib ki, addımlar ABŞ təmsilçisi Stiven Uitkoffun Moskvadakı danışıqlarından asılı olacaq.

ABŞ prezidenti həmçinin ölkəsini Ukrayna münaqişəsindən çıxarmaq istədiyini vurğulayıb. O deyib: “Bu, Baydenin müharibəsidir, mənim deyil. Mən bizi bu vəziyyətdən çıxarmaq üçün buradayam. Biz çox çalışırıq. Son beş ayda beş müharibəni dayandırmışam. Bunun altıncı olmasını istərdim”.