Trampın bu qərarı dünya neft bazarını silkələyə bilər

Rusiyaya rüsum tətbiqi neftin qiymətində kəskin artıma gətirib çıxara bilər ki, bu da ABŞ-da inflyasiyaya təzyiq göstərə bilər və bu, Donald Trampı belə bir qərardan çəkindirə bilər.

Qerbxeber.com Axar.az -a istinadən xəbər verir ki, bunu “Röyters”in enerji üzrə eksperti Ron Busso ABŞ lideri Donald Trampın Rusiyanı rüsum tətbiqi ilə təhdid etməsini şərh edərkən bildirib.

O qeyd edib ki, Rusiya neftinin ən böyük alıcıları olan Hindistan və Çin üçün 100%-lik rüsumların tətbiqi dünya üzrə təchizat zəncirində pozuntulara səbəb ola bilər. Təkcə iyun ayında Rusiya gündəlik 4,68 milyon barrel xam neft ixrac edib ki, bu da dünya üzrə tələbatın təxminən 4,5%-ni təşkil edir.