Trampın hədəsinə Putinin cavabı belə oldu
Rusiyanın Ukraynaya qarşı son kütləvi hücumu Kremlin ABŞ Prezidenti Donald Trampın ultimatumuna cavabıdır.
Qerbxeber.com xəbər verir ki, bu barədə Axar.az “Skay Nyus”un təhlükəsizlik və müdafiə üzrə analitiki Maykl Klarkın açıqlamasına istinadən məlumat yayıb.
O hesab edir ki, bu yolla ruslar dünyaya Amerika liderinin xoşuna gəlməyəcək mesaj göndəriblər. Moskva da Trampın bəyanatlarından təsirlənmədiyini nümayiş etdirir:
“Rusların bütün dünyaya göndərdiyi mesaj ondan ibarətdir ki, onlar davam edir. Rusiya Ukraynanın hər yerində həm hərbi, həm də mülki əhəmiyyət daşıyan şəhərləri vurur”.
Xatırladaq ki, ötən gecə ruslar Ukraynaya kütləvi PUA hücumu həyata keçiriblər. Ümumilikdə 400 ədəd “Şahid” PUA-sı və müxtəlif tipli dron imitatorları buraxılıb. Ruslar İsgəndər-M ballistik raketi ilə də zərbə endiriblər.
Qeyd edək ki, daha öncə Tramp Putin əleyhinə çıxış edib.
Bu gün paylaşılan digər xəbərlər
Bu gün heç bir yeni xəbər yayımlanmadı