Tramp Rusiyaya qarşı sanksiyaların qəbuluna “ciddi baxdığını” bəyan edib

ABŞ Prezidenti Donald Tramp Konqresdə Rusiyaya qarşı yeni sanksiyaların tətbiqini nəzərdə tutan qanun layihəsinin qəbuluna razılıq vermək imkanını “çox ciddi şəkildə” nəzərdən keçirdiyini bildirib.

Qerbxeber.com xəbər verir ki, bu barədə o,Ağ Evdə nazirlər kabinetinin iclası zamanı bildirib.

“Senatorlar çox sərt sanksiyalar qəbul edirlər. Mən bunu nəzərdən keçirirəm. Bunu çox ciddi şəkildə nəzərdən keçirirəm”, – deyə Tramp vurğulayıb.

“Bu, mümkün qanun layihəsidir. Bu, tamamilə mənim ixtiyarımdadır. Mən buna çox ciddi baxıram”, – o əlavə edib.

Jurnalistin Vaşinqton administrasiyasının Rusiyaya qarşı hansı tədbirləri görə biləcəyi ilə bağlı sualına Tramp belə cavab verib: “Mən sizə demərəm. İstəmirik ki, bir az sürpriz olsun?”

ABŞ senatoru Lindsi Qrem (Cənubi Karolinadan olan respublikaçı – red.) iyunun sonunda Trampın Konqresin Rusiyaya qarşı yeni sanksiyalarla bağlı qanun layihəsinin qəbul edilməsinin tərəfdarı olduğunu bildirib. Qrem gözləyir ki, Senat Rusiyaya qarşı sanksiyalar haqqında qanun layihəsinə iyulda baxacaq.