Rəsmi Bakı İsrail və İran arasında əldə olunmuş atəşkəsi alqışlayır
Azərbaycan Xarici İşlər Nazirliyi (XİN) İsrail və İran arasında atəşkəs elan edilməsini alqışlayıb.
Qerbxeber.com xəbər verir ki, bu barədə Azərbaycan XİN məlumat yayıb.
Məlumata görə, bu inkişaf regionda gərginliyin azaldılması və sabitliyin bərpası istiqamətində mühüm addımdır.
Bildirilib ki, Azərbaycan atəşkəsin əldə olunmasında vasitəçilik edən bütün tərəflərin səylərini yüksək qiymətləndirir və daha çox insan itkisinin və iztirabların qarşısını almaq üçün ona tam şəkildə əməl edilməsinə çağırır:
“Biz regionda davamlı sülhün, təhlükəsizliyin və əməkdaşlığın möhkəmləndirilməsinə yönəlmiş təşəbbüsləri dəstəkləməyə hazırıq”
