Pit Hegset: Tehranın nüvə proqramı məhv edildi,xalq hədəf alınmadı

İran xalqı hədəf alınmadı, Tehranın nüvə proqramı yox edildi.

Qerbxeber.com APA-ya istinadən xəbərinə görə, bunu ABŞ müdafiə naziri Pit Hegset bu gün ABŞ-ın İranın nüvə obyektlərinə zərbə endirilməsi ilə bağlı keçirilən mətbuat konfransında bildirib.

Müdafiə naziri bildirib ki, ABŞ Prezidenti Donald Tramp danışanda, dünya onu dinləməlidir. ABŞ-ın İranın nüvə obyektlərinə zərbəsini böyük hərbi uğur sayan Pit Hegset qeyd edib ki, istifadə edilən bombalar ilk dəfə tətbiq olunub: “Əməliyyatda İran xalqı hədəf alınmadı, Tehranın nüvə proqramı yox edildi. İlk dəfə “B-2” bombardmançı təyyarəsi ilə belə uzaqmənzilli hərbi əməliyyat keçirilib. Belə əməliyyatı dünyada heç bir ölkənin ordusu həyata keçirə bilməzdi. ABŞ müharibə istəmir, ancaq maraqlarımız və ortaqlarımız üçün zəruri anda dərhal hərəkətə keçəcəyik”.

Qeyd edilib ki, əməliyyatda 7 ədəd “B-2” təyyarəsi əməliyyatda iştirak edib, qırıcı təyyarələr bombardmançı təyyarələri müşayiət edib. Ümumiyyətlə, əməliyyatda 125 hərbi təyyarə iştirak edib. Əməliyyat “Gecə yarısı çəkici” adlandırılıb