Qazaxbəyli kəndində evə girən quldur,ər-arvada xəsarət yetirdi

İyunun 16-da saat 01:30 radələrində xəsarət alan 2 nəfər Qazax Rayon Mərkəzi Xəstəxanasının Təcili tibbi yardım bölməsinə hospitalizasiya olunub.

Bu barədə TƏBİB-dən məlumat verilib.

Xatırladırıq ki, Qazax rayon Qazaxbəyli kəndində oğurluq və quldurluq hadisəsi ilə bağlı xəbər vermişdik.Evə girən oğru, onu tanıyan qadının başından küt alətlə vurmuş, ev sahibi isə bıçaqla yaralamışdır.

“Onlardan 1979-cu il təvəllüdlü şəxsə (kişi cinsli) qarının ön divarının kəsilmiş-deşilmiş yarası və başın saçlı dəri nahiyəsinin kəsilmiş yarası diaqnozu təyin olunub və əməliyyat edilib. Vəziyyəti orta ağır qiymətləndirilir. Müalicəsi Cərrahiyyə şöbəsində davam etdirilir. 1985-ci il təvəllüdlü şəxs isə (qadın cinsli) başın tüklü hissəsinin açıq yarası diaqnozu ilə hospitalizasiya edilib və zəruri tibbi xidmət göstərildikdən sonra ambulator müalicəyə buraxılıb”, məlumatda deyilir.