Ukraynanın Rusiyaya zərbəsi – ABŞ təhlükəsizliyi gücləndirir

ABŞ ordusu pilotsuz təyyarələrin yaratdığı təhlükə fonunda ABŞ hava bazalarının təhlükəsizliyini nəzərdən keçirir.

Qerbxeber.com xəbər verir ki, bu barədə “Politiko” nəşri yazıb.

Bildirilib ki, Ukraynanın Rusiya hərbi aerodromlarına hücumu Amerika tərəfini problemə diqqət yetirməyə və aerodromlarda təhlükəsizliyi gücləndirmək üçün maliyyə prioritetlərinə yenidən baxmağa məcbur edib.

Təşəbbüsün Prezident Donald Tramp tərəfindən dəstəkləndiyi bildirilir.

Qeyd edək ki, Ukrayna Təhlükəsizlik Xidməti 1 iyunda Rusiyada “Hörümçək toru” əməliyyatı keçirmiş və 4 aerodromda 41 hərbi təyyarəni məhv etmişdi.