AB ilə bu razılaşma olacaq

ABŞ Prezidenti Donald Tramp 90 günlük fasilə müddəti bitənə qədər Avropa Birliyi ilə ticarət razılaşmasının əldə olunacağına nikbin yanaşdığını açıqlayıb.

Qerbxeber.com xəbər verir ki, bu barədə Tramp İtaliyanın Baş naziri Corciya Meloni ilə görüşdə danışıb.

Tramp yüz faiz ticarət razılaşmasının baş tutacağını qeyd edib:

“Biz ədalətli sövdələşmələr aparacağıq, lakin tələsmirik. Avropa və ya digəri ilə razılaşmaqda çox az problemimiz olacaq”.

Qeyd edək ki, Ağ Evdə ABŞ Prezidenti Donald Trampla İtaliyanın Baş naziri Corciya Meloni arasında görüş keçirilir. Bu, Ağ evin tarif tətbiqi ilə bağlı qərarından sonra Avropa lideri ilə keçirilən ilk görüşdür.