ABŞ-nin 12 ştatına Qızılca epidemiyası yayılıb
Xüsusilə ABŞ-ın Texas və Nyu-Meksiko ştatlarında təsirli olan qızılca xəstəliyinin son həftələrdə artaraq 12 ştata yayıldığı, ölkə daxilində aşkar edilən ümumi yoluxma sayının 222-yə çatdığı bildirilib.
Qerbxeber.com xəbər verir ki, bununla bağlı ABŞ Xəstəliklərə Nəzarət və Qarşısının Alınması Mərkəzləri (CDC) açıqlama verib.
CDC-nin rəsmi saytında verilən açıqlamada, ölkə daxilində əksəriyyəti uşaq olmaqla artıq 222 hadisənin aşkar edildiyi bildirilir.
Qızılcanın Texas və Nyu-Meksiko ştatlarında, həmçinin Alyaska, Kaliforniya, Florida, Corciya, Kentukki, Nyu-Cersi, Nyu-York, Pensilvaniya, Rod-Aylend və Vaşinqtonda da rast gəlindiyi qeyd edilib.
Açıqlamada Texasda bir uşaq və Nyu-Meksikoda bir yeniyetmənin qızılcadan öldüyü bildirilir.
