Göygöl rayonunda gənc rəssamlara rəsm təlimləri və rəsm müsabiqəsi keçirilib

 Göygöl rayonunda keçirilən “Gənc rəssamlar rəsm təlimləri və rəsm müsabiqəsi” layihəsi uğurla başa çatdı.Azərbaycan Gənclər Fondunun elan etdiyi “İdeyanı realllaşdır 2023” fərdi qrant müsabiqəsinin qalibi olmuş gənc müəllim Aygün İmanovanın “Gənc rəssamlar rəsm təlimləri və rəsm müsabiqəsi”  layihəsi 2024-cü ildə Göygöl rayonunda keçirilən son qrant layihəsi olmuşdur.

Azərbaycan Gənclər Fondunun maliyyə dəstəyi , Göygöl Gənclər Evi SXM, Gəncə-Daşkəsən Regional Təhsil İdarəsinin Göygöl rayon təhsil sektorunun  və Gənclərin İnkişaf və Karyera Mərkəzinin Gəncə-Daşkəsən Regional nümayəndəliyinin təşkilati dəstəyi ilə keçirilən “Gənc rəssamlar rəsm təlimləri və rəsm müsabiqəsi” layihəsi Göygöl rayonunda yaşayan gənclərin iştirakı ilə beş gün ərzində Göygöl Gənclər Evində həyata keçirilmişdir.

Layihədə ilk qeydiyyatdan keçmiş 25 gənc 23, 25 , 27, 30 sentyabr və 2 oktyabr tarixində Göygöldə keçirilən bu böyük layihdədə iştirak haqqı qazanmışdır.

Layihədə 4 gün ərzində rəsm təlimləri keçirilmiş və 5 – ci gün bu təlimlərdə iştirak edərək rəsm çəkən gənclərin çəkdikləri rəsm əsərlərindən ibarət rəsm müsabiqəsi keçirilmiş, qalib seçilmiş 3 gənc diplom, medal və kubokla mükafatlandirilmişdir. Layihə çərçivəsində keçirilmiş təlimlərdə iştirak etmiş hər bir gənc isə “Sertfikat” ilə təltif olunmuşdur.

Layihədə 25 gənc  öz bilik və bacarıqlarını həm inkişaf etdirmiş, həm də mübarizə apararaq qalib olmuşlar.Qaliblər layihə çərçivəsində diplom, medal və kuboklarla təltif edilmişlər.