Bakı-Ağstafa marşrutu üzrə əlavə qatar reysləri təyin olundu
“Azərbaycan Dəmir Yolları” QSC (ADY) sərnişin tələbatını təmin etmək məqsədilə Bakı-Ağstafa-Bakı marşrutu üzrə əlavə qatar reysləri təyin edir.
Bu barədə Qerbxeber.com-a ADY-dən məlumat verilib.
Məlumata görə, əlavə təyin edilən qatarlar avqustun 22-də və 24-də saat 09:15-də Bakıdan Ağstafaya, avqustun 23-də və 25-də saat 15:00-da isə Ağstafadan Bakıya yola düşəcək.
Biletləri dəmiryol vağzallarının kassalarından, ADY-nin saytından (www.ady.az) və ya “ADY Mobile” tətbiqi vasitəsilə əldə etmək mümkündür.
