Texas qəzeti seçkilərdən sonra ştatın ABŞ-dan ayrılması riski barədə məlumat yayıb

Texas ştatı 2024-cü ilin noyabrında keçiriləcək prezident seçkilərindən sonra Amerika Birləşmiş Ştatlarından ayrılma prosesinə başlaya bilər.

Qerbxeber.com xəbər verir ki, bu barədə yerli “Dallas Morning News” qəzeti məlumat yayıb.

Məlumata görə, Texasda “müəyyən şərtlər altında” ştatın ABŞ-dan ayrılmasını müdafiə edən “həyəcanverici sayda” seçkili vəzifəyə namizədlər var. Onların 150-dən çoxunun “Texası geri al” adlı vəd imzaladığı bildirilir.

Sənədə əsasən, siyasətçilərdən dövlətin maraqlarını milli maraqlardan üstün tutması və Texasın müstəqil dövlət statusunun bərqərar olması üçün çalışması tələb olunacaq.