Anasız yaşamaq: DÜNYA BOYDA TƏNHALIQ-professor Yusif Osmanov
Ola bilsin sağlamsan. Ola bilsin gümrahsan. Ola bilsin ailəndə əmin-amanlıqdır. Ola bilsin ocağının işığına hər axşam əzizlərin yığışır. Ola bilsin həyatında çox məqsədlərə nail olmusan. Amma…
Amma içində bir tənhalıq var. Dünya boyda tənhalıq. Anasız yaşamaq çox çətindir, çox. İçin göynəyir, ruhun ağlayır. Sevinclərinlə də təksən, kədərlərinlə də…
Bu foto, funksional Maqnit Rezonans Tomoqrafda, ana ilə körpə arasında yaranan bağları çox gözəl nümayiş etdirir. Şahanə görüntülərdir.
Ana və bala beyinlərində sinxron oyanan kimyəvi reaksiyalar ömürlük, müqəddəs əlaqənin qurulmaqda olan körpüləridir. Monoamin transporterlərə birləşərək beyin hüceyrələrində ülvi hisslər doğuran neyrotransmitterlər pak məhəbbətin carçıları qismində çıxış edirlər.
Sözügedən neyrotransmitterlər- sevgi (oksitosin), bağlılıq (vazopressin), məmnunluq (dopamin) və xoşbəxtlik (serotonin) hormonlari olmaqla iki canı bir ruha qovuşdururlar. Bu hormonlar körpə fidanın beynində elə dərin izlər buraxırlar ki, böyüyüb yaşa dolsan da isti ana nəfəsini duyan an yenidən sintez olunurlar.
Heç kim və heç nə əvəz edə bilmir bunu. Heç kim və heç nə…
Məni yaşadan yalnız, hər gün insanlara bəxş etdiyim sevinc müqabilində, valideynlərimə ünvanlalan rəhmətdir!
Prof.Yusif Osmanov
Bu gün paylaşılan digər xəbərlər
Bu gün heç bir yeni xəbər yayımlanmadı