Armen Qriqoryan: “Azərbaycanla sülh sazişini yekunlaşdırmaq üçün danışıqları davam etdirməyə hazırıq”
“Azərbaycanla sülh sazişini yekunlaşdırmaq üçün bu formatda danışıqları davam etdirməyə və mümkünsə ilin sonuna qədər sülh sazişi imzalamağa hazırıq.
“Qərb Xəbər” məlumat verir ki, bunu Ermənistanın Təhlükəsizlik Şurasının katibi Armen Qriqoryan yerli mətbuata müsahibəsində rəsmi Yerevanın Azərbaycanla danışıqları davam etdirməkdə maraqlıdırsa, niyə nümayəndələrinin Moskvaya getməməsi sualına cavab verərkən deyib.
O, qeyd edib ki, Ermənistan artıq razılaşmaların əldə olunduğu danışıqlara getmək istəyir.
“Sülh sazişini yekunlaşdırmaq üçün bu formatda danışıqları davam etdirməyə və mümkünsə ilin sonuna qədər sülh sazişi imzalamağa hazırıq. Bu danışıqları digər səviyyələrdə, məsələn, Vaşinqtonda davam etdirmək imkanı var. Ermənistan hazırdır və ümid edirik ki, belə bir görüş baş tutacaq”, – o bildirib.
Ermənistan tərəfinin niyə hələ də Moskvaya getməməsi ilə bağlı sualı cavablandıran Qriqoryan buna belə cavab verib: “Biz vacib hesab etdiyimiz, hazırda fürsət gördüyümüz və aydın təkliflər aldığımız yerə gedirik”.
Bu gün paylaşılan digər xəbərlər
Bu gün heç bir yeni xəbər yayımlanmadı