Gəncə və Tovuzda itkin düşən məktəbli qızlar tapılıb

Gəncə və Tovuzda itkin düşən məktəbli qızlar tapılıb.

Bu barədə “Qərb Xəbər”ə DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımov bildirib.

Məlumata görə, polis əməkdaşlarının keçirdikləri axtarış tədbirləri nəticəsində  Gəncə şəhəri Xətai prospektində yaşayan, 2009-cu il təvəllüdlü Türkan Qurbanova və Tovuzun Aşağı Quşçu kənd sakini, 2009-cu il təvəllüdlü Gülay Bayramovanın yerləri  müəyyən olunaraq ailələrinə təhvil verilib.

Hər iki fakt üzrə araşdırma aparılır.

R.Carçılı