Rusiya Müdafiə Nazirliyi Qarabağdakı yer adlarını Azərbaycan dilində yazmağa başladı
Rusiyanın xarici işlər naziri Sergey Lavrovdan sonra Rusiya Müdafiə Nazirliyi də əvvəlki adətindən əl çəkə bilib.
“Qərb Xəbər” məlumat verir ki, qurumun 25 oktyabr tarixli bülletenində “Dağlıq Qarabağ” ifadəsinə yol verilməyib. Əvəzində bu ərazi olduğu kimi – “Azərbaycanın Qarabağ iqtisadi rayonu” deyə qeyd olunub.
Bundan əlavə, indiyə qədər işlətdiyi “Stepanakert” sözünün yerinə şəhərin əsl adı – Xankəndi yazılıb.
Yada salaq ki, Rusiya Müdafiə Nazirliyi Fərrux kəndinin adını belə, düzgün ifadə edə bilmirdi. Cavab olaraq Azərbaycan Müdafiə Nazirliyi sözügedən ərazinin adının doğru yazılmasını tələb edən bəyanatla çıxış edirdi.
Xatırladaq ki, iki gün öncə Tehranda baş tutan “3+3” görüşü haqda danışan Lavrov da dilindən düşməyən “Dağlıq Qarabağ” əvəzinə “Qarabağ” deyib.
Bu gün paylaşılan digər xəbərlər
Bu gün heç bir yeni xəbər yayımlanmadı