Ermənistanda Vitali Balasanyana qarşı cinayət işi açılıb
Ermənistan İstintaq Komitəsi qondarma rejimin “Təhlükəsizlik Şurasının keçmiş katibi” Vitali Balasanyana qarşı qanunsuz silah saxlama maddəsi ilə cinayət işinin başlandığını elan edib.
“Qərb Xəbər” “Armenia Today”ə istinadən xəbər verir ki, İstintaq Komitəsinin mətbuat katibi Qor Abramyan bildirib ki, Balasanyan “Makarov” tapançasını təhvil verib.
O, bu faktla bağlı Ermənistan Cinayət Məcəlləsinin 335-ci maddəsinin 1-ci hissəsi (qanunsuz olaraq silah əldə etmə, başqasına vermə, satma, saxlama, daşıma, göndərmə və ya gəzdirmə) ilə iş açıldığını deyib.
Bu maddə ilə azadlıqdan məhrum etmənin maksimum müddəti üç ildir.
R.Carçılı
