Premyer Liqa: “Turan Tovuz” səfərdə “Sabah”a qalib gəlib
Futbol üzrə Azərbaycan Premyer Liqasında V tura start verilib.
“Qərb Xəbər” xəbər verir ki, günün yeganə matçında “Sabah” “Turan Tovuz”u qəbul edib.
Qarşılaşma qonaqların 3:0 hesablı qələbəsi ilə bitib. 19-cu dəqiqədə Roderik Miller, 56-cı dəqiqədə Şəhriyar Əliyev, 79-cu dəqiqədə isə Belajdi Pusi fərqlənib.
Bu nəticədən sonra xallarının sayını 9-a çatdıran “Turan Tovuz” hələlik ikinci pillədə qərarlaşıb. Rəqibindən bir oyun az keçirən paytaxt klubu 4 xalla 6-cı sıradadır.
Qeyd edək ki, turun digər oyunları 2-3 sentyabrda olacaq.
