Saakaşvili avqust müharibəsində Azərbaycanın Gürcüstana etdiyi yardımlardan danışıb

Sabiq prezident Mixeil Saakaşvili, 2008-ci il müharibəsi zamanı Azərbaycanın Gürcüstana göstərdiyi dəstək barədə paylaşım edib.

“Qərb Xəbər” xəbər verir ki, Saakaşvili, həmin dövrdə Azərbaycanın Gürcüstana dəstəyinin xüsusilə vacib olduğunu bildirib.

O deyib ki, Azərbaycan həmin dövürdə Gürcüstana müxtəlif sahələrdə yardımlar edib:

“2008-ci il hadisələrində Azərbaycanın rolu yetərincə qiymətləndirilməyib. Qonşu və qardaş dövlətimiz bizi yanacaqla təminat infrastrukturu, ölkənin xilası üçün həlledici əhəmiyyətə malik olan maliyyə vəsaiti ilə təmin etdi.

Həmin dövrdə hərbi sahədə yardımla bağlı yəqin ki, Azərbaycanın özü danışmalıdır, ancaq bu çox önəmli idi.

Mən şəxsən bunun üçüm İlham Əliyevə və Azərbaycan xalqına təşəkkür etmək istərdim”, – deyə Saakaşvili paylaşımında qeyd edib.