Gürcüstanda azərbaycanlılar arasında təbii artım çoxalıb – Rəsmi

2022-ci ildə Gürcüstanda yeni doğulanların sayı illik müqayisədə 7,9% azalaraq 42 min 319 nəfər təşkil edib.

“Qərb Xəbər” bildirir ki, bu barədə Gürcüstanın Milli Statistika İdarəsinin hesabatında bildirilib.

Gürcüstanda ötən il ərzində ölənlərin sayı illik ifadədə 18% azalaraq 49 min 118 nəfər təşkil edib. Ümumilikdə, 2022-ci ildə Gürcüstanda mənfi təbii artım qeydə alınıb (-6 799).

Hesabat dövründə Gürcüstanda azərbaycanlıların kompakt yaşadığı Kvemo Kartli bölgəsində isə təbii artım qeydə alınıb. Ötən il Kvemo Kartlidə yeni doğulanların sayı 5 min 74 nəfər, ölənlərin sayı isə 4 min 528 nəfər təşkil edib.

Statistikaya əsasən 2022-ci ildə Gürcüstada körpə ölüm nisbəti hər 1000 nəfərə 7,6 nəfər, 5 yaş altı ölüm nisbəti isə hər min nəfərə 9,2 nəfər təşkil edib.

Aktual.ge